Teknologi berrien ikasgaia berria izan da guretzat. Hasiera batetik ezjakintasunak eraginda beldurra izan da nabari. Teknologiekiko dugun harremana estua ez izateak, lehenengo uneetan, ikasgaiarekiko jarrera ezkorra izatea ekarri zuen. Hala ere, egindakoak eginda, jarrera hori baikortzen joan da apurka. Ikasitakoarekin, teknologien bestelako funtzionamendu bat ezagutu ahal izan dugu eta aspektu honekiko kritikaren ikuspegia ere zabaldu egin da.
Taldekideok, ikt-en inguruan ez genuen ezagutzarik, izan ere, internet edo ordenagailuetako programak, oinarrizkoa eta beharrezkoa zenean erabiltzen genituen batez ere. Nahiz eta hain ezagunak diren msn, tuenti, fotolog eta antzekoetan ibiliak izan. Aitzitik, ikasgai honen alderdi eraikitzailea ez ezagutzeak, zailtasunak ekarri ditu lanak aurrera eramateko orduan. Hala ere, ikasi eta praktika hartu nahiak, disposizioa eta motibazioa izatea bultzatu du.
Hainbat lan eta programen nondik norakora gerturatu gara, besteen artean, bloga, kontzeptu mapa, webquesta… Hauek aurrera eraman ahal izateko, pazientziaz gain, teknologiekiko harremana eta jarrera aldatu nahiak eragina izan du. Izan ere, etorkizuneko irakasle izango garen honetan eta gizartean teknologiek duten pisua ezagututa, ezinbestekoa da halako estrategiak maneiatzea. Haurrak gero eta iaioagoak dira mundu honetan eta hauen arreta eskuratu eta era eraikitzailean motibatu eta ikasarazteko, erabakigarria da beharrak erantzun eta ikasle ororen garapena xedatzeko.
Bestalde, blogak landu genituenean, honen funtzionalitatea ikusi ahal izan genuen. Tresna honekin helarazi nahi genuenaren aukera eta gai interesgarri eta erlaziok gauzatu eta sakontzeko balio duela. Bizitza profesionalean zein pertsonalean jasotakoaren inguruan hausnarketak egitea errazten du eta beste blogari edo kanpoko pertsonen iritzi, ekarpen eta ideiak jaso daitezke. Honek, elkarturik eta harremanetan egotea ekarri dezake eta era egoki batean erabilita, eraikitzailea eta baliozkoa egiten du.
Honen erabilera eta eguneratzeetan, txertaketa eta eranskinetan, zaitasunak izan dira nabari. Igo nahi genuena, ordena eta bloga beraren itxuraren aldaketa egiterako orduan, nahi bezala ez atera izanak frustrazioa eragin duen arren, saiakera eta ikasi nahiak, ondo erabiltzen jakin nahiak, esku hartu eta ikastea ekarri du. Honela, helburuak lortuz joan gara eta apurka apurka aspektu eta mundu honetan mugitzen ikasi dugu.
Blogaren ostean, cmaptools programa bidez, kontzeptu mapak egiten ikasi genuen. Hasieratik interesgarria eta beharrezkoa iruditu zitzaigun honen erabilera. Mapa eskematikoak ordenagailu bidez egin ahal izatea, diseinua, forma eta loturak nahi bezala egin ahal izateak, programaren funtzionalitatea eta erabilera esanguratsua egin zen.
Hauen bidez bideratu daitekeen guztiaz jabetu gara eta ikasketa zein lanerako orduan hau erabiltzearen erraztasun eta garrantziaz ohartu ginen. Lan hau egiterako orduan, arazoak urriak izan ziren oinarrian eta horrek aurrera jarraitzeko eta ondorengo lanetarako motibazioa eta disposizioa areagotu zuen.
Azkeneko lana, webquesta izan zen. Hau zer zen eta zer helburu zuen ulertzea kosta izan zitzaigun hasiera batean. Gerora ordea, hau lantzen hasita, bere nondik norakoa ulertu eta gure webquesta osatzen hasi ginen. Lanketa honetan, zailtasun gehienak, prozeduran izan ditugu, sareko arazoetan eta borratu, berritu eginetan. Hala ere, interesgarria deritzogu oso ikasgaiak metodo honekin eskaintzea.
Izan ere, haurren intereserako diren gai eta diseinuak erabiltzeak, gaiarekiko motibazioa eta interesa piztea dakar. Honekin, ikasleen disposizioa eta jakin mina zabaltzen da eta ikasketa autonomo eta eraginkorra bilakatzen da.
Oro har, teknologi berrien ikasgaia interesgarria izan da. Hasierako beldur eta aurreiritziak alde batera geratu ostean, jarrera baikorra nagusitu da. Tresna hauen erabilpena esanguratsua da eta teknologia hain gainean dagoen une honetan, hauekiko ezagutza eta erabilera zabaltzea beharrezkoa da.
Bestalde, mundu globalizatu honetan, komunikazioa nagusi den honetan, teknologiek eta hauekin loturikoek pisu izugarria dutela aski jakina da. Hauen erabilera ez da eraginkorra eta generazio berriengan izaten ari den eta izango duen eragina guztiz ezkorra da. Honela, hauek ezagutu eta maneiatzea beharrezkoa da, etorkizun gertu batean erabilera esanguratsu eta eraikitzailea eskaini ahal izateko. Ikasleei, ikuspegia aldatu eta erabilgarriak eta hezitzaileak diren baliabideak eskaini behar zaizkie, eta teknologia, aberasgarria, erraza, informazioz betea eta deigarria da lan horretarako.
Honen bestez, Ikat-ak gaiarekin izandako esperientziak hausnartzeko eta bestelako jarrerak hartzeko balio izan du. Teknologia aspektuan aurki ditzakegunak ikusi eta hauekiko harremana positiborantz eramateko. Ikasitakoa esanguratsua izan da, eta azken finean edukitako esperientzia transmititu ahal izatea esanguratsua izanen da hemendik aurrera ere. Gauzak aldatu nahi badira, gu geu ere aldatu beharrean bai gaude.
Lierni, Itsaso, Irene eta Lorea.
